唔好以為公關要搞好關係好容易，萬一犯錯真係俾萬人群插，好似曼聯近日就發生「關公災難」嘞；話說曼聯周六就要喺倫敦溫布萊球場同愛華頓出戰英足盃準決賽，紅魔鬼原本好好人，安排免費旅遊巴畀球迷由曼市去倫敦，公關仲send晒報名表畀買咗飛球迷。點知曼聯就錯誤估計報名人數，只係準備57架旅遊巴共二千個名額，不過三萬幾球迷買咗飛，一陣間就爆晒額，報唔到名球迷就狂鬧曼聯公關，𠱁球迷變成激嬲球迷，曼聯公關真係唔得閒。