【本報訊】返學並非只得DSE和TSA，還可以有SAS、SSS等無限可能。佐敦循道中學學生拍攝教學短片，以動作配合歌曲重複唱出數學公式，5分鐘短片在facebook一炮而紅，一天內吸引至少80萬人次觀看，被譽為「洗腦數學神曲」，有網民大讚歌曲有創意，校長黃珮儀對片段爆紅始料不及。
記者︰鍾雅宜
短片由三名循道中學中二男生領銜主演，3人由班房開始邊做動作邊唱歌介紹數學上全等三角形證明方法，歌詞只有「Side-Angle-Side（SAS）、Side-Side-Side（SSS）、Angle-Side-Angle（ASA）、Angle-Angle-Side（AAS）」一句，旋律重複，但3人走遍校園唱歌，最後在禮堂與全校師生大合唱，演繹得生動有趣。
網民感嘆︰這就是青春
短片前日被上載至循道中學非官方facebook專頁「MCKLN Secrets」後瞬即被瘋傳，至昨晚9時帖文共有逾3.3萬個讚好或喜愛，1.4萬個轉載，短片點擊逾80萬次。校長黃珮儀接受《蘋果》訪問指短片去年9月由數學科主任構思及填詞，學生和音樂老師亦有協助，最後一幕是全校在早會拍攝大合唱，2月底更在校園電視台播放。
黃珮儀稱3名主角就讀中二，平日活躍可愛，其中一人是運動健將，另外兩人鍾愛音樂，她昨早曾了解3人能否適應突如其來的名氣，幸好他們均指「OK」，她又澄清三人絕非犯錯受罰拍片，屬自願參與。
MCKLN Secrets fb專頁亦披露口訣歌由老師梁子傑2年前籌備，有人將曲譜上載至專頁，曲譜畫有動作，下款有梁的署名及寫上他第3次參與校園電視製作和送給中六學生等字句。另一片段顯示3名主唱男生分別名為Raymond、Howard和Stephen，其組合名字為「RHS」，RHS亦是全等三角形5個條件之一。
記者昨到學校試圖「捕獲」3名男主角但不成功，校方代3人婉拒受訪，但學生對片段議論紛紛，中五生陳同學「估唔到學校會紅咗」，稱認識其中一名男主角，其為人「幾搞笑幾得意」，笑稱主角長大後重溫片段「可能會後悔」。有網民留言指「嗰3隻仔到底賭輸啲咩找數找得咁甘Orz」，亦有聲稱是循道舊生的網民指對於學校有大家庭氣氛很感動，有人指此類「白癡嘢」是學生美好回憶，「這就是青春」。
識睇睇留言
Hotung Sunshine Lam：返學最緊要開心，十年後睇番你就會慶幸自己有一班朋友一齊拍呢條片
Rachel Choi：點解以前讀書時冇人做d咁正嘅嘢？如果有我應該Maths唔會成日fail㗎
Joana JoJo：我覺得最好笑係佢哋突然用腳，啱啱我同我家姐同daddy一齊喺屋企跳
Katherine Shawol Ltk：如果我DSE之前睇咗呢段片我數學應該有5
Chelsea Choi：佢哋究竟有幾多個缺點而被迫跳呢隻舞
Gigi Ng：睇晒做硬數學奇才，真心洗腦過越難越愛
Au Sze Ching：洗咗腦……成個腦都係佢首歌
資料來源：MCKLN secrets fb專頁
