趣趣地：美臀小姐又抽美斯水

足球明星人工高名氣響，唔少人都借啲意抽水，巴塞隆拿前鋒美斯更加係球王級，就更加多人抽佢水啦；好似巴西美臀小姐蘇絲（Suzy Cortez、小圖），之前金球獎頒獎禮後就着住美斯借巴塞球衣影露臀相，更激仲有除埋件衫背部幾乎全祼㖭。蘇絲就話自己一直有add美斯同佢女友安東莉娜面書，近期就發現俾佢哋剔除咗，仲口口聲聲講安東莉娜唔抵得佢㖭，不過美斯同佢大纜都扯唔埋，睇嚟都係蘇絲自抬身價箒。