湖人球星拜恩（Kobe Bryant）上周對爵士後光榮退休，轉行從商之餘，亦都多番啲時間做好老公；周二佢太太雲妮莎就喺個人面書度放閃，同老公食燭光晚餐慶祝結婚15周年，拜恩仲好肉麻咁講：「啱啱結束自己20年球員生涯，𠵱家迎接幸福嘅結婚15周年，我愛你，永遠。」拜恩得閒不如同雲妮莎努力造人，幫一家四口增添新成員都好喎。