【專訪】
經濟差益財仔生意，易提款（ETC）財務董事蕭劍榮接受專訪時指，現經濟情況不明朗，資金周轉需求增大，但銀行未能滿足每名客人，故彈性較高的財仔更有優勢，他透露今年初新增貸款按年升約兩成。
他解釋，現時經濟不確定性高，美國加息、股市波動，故客戶周轉困難，「例如有啲做地產嘅，有啲做礦業嘅，想抵押咗間豪宅，但銀行有啲唔受理，就係我哋嘅機會」。
不過，樓價下跌會否增加業務風險？蕭劍榮表示，公司未有從事風險高的二按生意，亦只做有現樓的客人，按揭成數最高只做六成，樓價下跌難影響，「所以開業至今10年，我哋1毫子壞賬都無」。
現時易提款抵押貸款業務中，住宅佔七成，非住宅佔三成，貸款規模已接近5億元至10億元，反映每年利息收入約5,000萬至1億元，接近上市公司規模。
暫無上市計劃
易提款由新加坡黃氏家族信託持有，信託亦持有新世紀集團（234）。蕭劍榮指易提款暫無意注新世紀集團，亦無上市計劃，「上市多行政嘢，大筆貸款要喺聯交所公告，加上業務上無需要」。
記者：周家誠