愛你所以玩你！美國人Kevin班兄弟真係好愛佢。佢生日，但未婚妻嚴禁佢同班豬朋狗友度瘋狂周末。奉行「要去一齊去」的「姣鬆啲」於是把Kevin製成紙板，帶佢周圍去，健身、clubbing、睇夜景，無懼阿嫂唔放行，一樣玩到不亦樂乎，把喪玩相片放上網後被瘋傳，仲吸引傳媒報道。不過紙板Kevin的真身日前在Reddit網站澄清話冇同老友出遊，乃因細女剛出生，不能行開三日咁耐，唔係另一半唔放行。佢話自己day one講明唔去，而且唔知佢哋原來係去加拿大，自己一向連護照都冇。佢就話兄弟要玩嘢唔緊要，但唔應該拉埋佢未婚妻落水。網友都留言鬧兄弟的愚蠢行為，又覺得Reddit網站很多「毒L」不喜歡人有女友、未婚妻，兄弟知道咁樣玩有瘋傳效果。識得玩可以幾好笑，但玩大咗就會被人笑囉！何苦呢？
記者：葉青霞
資料來源：Reddit
