【本報訊】創作過《食軟雪糕》和《怪叔叔跳古怪舞》的本地洗腦歌達人莊冬昕聽過數學神曲後都勁讚：「佢哋咁細個、仲要喺香港咁壓迫嘅環境、有心嘗試去創作，係好值得鼓勵！我自己聽完都即刻識唱，仲好過我首《食軟雪糕》！」
同樣創作過洗腦歌《小明坐火車》和《小明上廣州》的李家仁醫生亦力撐：「無論係佢哋3個小朋友、同學抑或老師都好享受首歌，其實所有音樂都係希望令人快樂，世界就和諧啲。」
李克勤︰壓力大調劑吓
育有兩子的歌手李克勤就表示：「覺得年輕人好有創意，除咗唱仲拍埋條片，咁大製作，我睇到都覺得好輕鬆，尤其生活咁大壓力，有呢啲調劑吓係唔錯嘅。」關心妍亦說：「佢哋好有taste，識得揀呢首70年代嘅《Fly, Robin, Fly》嚟做二次創作，聽完覺得好感動。」
龍小菌和樂隊Mr.主音布志綸（Alan）亦異口同聲表示自己讀中學時若有這首歌，數學成績一定有進步。至於曾讀該校的細龜黃一山就認為這首歌等於帶自己重溫學校。
■記者勞燕萍