星期五港超聯決戰南華嘅東方，雖然踏入三月後連失聯賽盃、菁英盃及足總盃，不過球會喺噚日宣佈，同教練陳婉婷（牛丸）續約至下季尾，想借呢個好消息，刺激吓球隊士氣。近日愁爆嘅牛丸，本身合約至今季結束，續約證明球會認同佢嘅能力。總監梁守志仲透露已發放早前衞冕銀牌嘅七位數字獎金，亦喺fb推出電影《十年》嘅二次創作相片《廿年》（圖），宣傳周五對南華嘅關鍵戰。