上市公司一般喺酒店或寫字樓開股東會，太平洋航運（2343）就別出心裁，配合番公司嘅生意性質，喺中環海事博物館舉行股東會。咁啱噚日同一時間有班國際學校小學生排隊參觀博物館，與太航一班年老股東開完會排隊去餐廳進餐，相映成趣。
太航一向鍾意喺海事博物館舉行股東大會，除咗同博物館關係良好，為表支持航運業，更重要係，博物館嘅收費比酒店平少少。不過，公司都唔係一味為慳錢，股東會一般只為小股東提供西餅糕點，太航就安排小股東到博物館內嘅社企Café 8進餐，呢度提供三文治、蛋糕、飲品套餐，聞說，按人頭收費都要60蚊位。
同場有班國際學校小學生到博物館參觀，見到有電視台記者，佢哋覺得有趣，表現興奮。