猶記得喺阿士東維拉上周六以0:1不敵曼聯而肯定降班後，佢哋嘅隊長尼史葛已因為話係「肩膀放下重任」而被插，點知原來佢嘅隊友艾邦拉荷（圖）更加冇廉恥，據英國《太陽報》日前報道，艾邦拉荷仲喺賽後去咗酒店狂歡並疑似吸笑氣。話說喺球隊輸波肯定降班後數小時，艾邦拉荷被發現與朋友及兩名女球迷喺酒店房狂歡，艾邦拉荷更被拍到疑似正吸笑氣並要解開朋友皮帶，而另一張相就見到佢同兩名長腿女合照，啲相見報後，艾邦拉荷梗係俾維拉罰停賽啦！