【寵物籽】 自己動手！自製喵咪玩具
貓鍾意玩，好在牠們十分易滿足，將紙搓埋一嚿拋落地，貓主子就會玩上短則10分鐘，長則半個鐘。暫時收起，隔幾日再丟落地，佢哋又追過。嫌太求其？係，我都覺。於是我又上網找下靈感，發掘到幾個不錯又易整的貓玩具，而且大部份為廢物利用，大家不妨整畀屋企隻貓主子玩。
記者：許政
用粗繩纏繞凳腳，省位又實用。
貓對會動的東西最感好奇，這個杯中球好易整咁，我可能會在杯內加鈴鐺，讓貓拍打波波時會有噹噹聲。
這類梯在香港有售，瞓得爬得又抓得，不錯。
摸頭頭好緊要，但鬼得閒一日摸到黑？裝個鮑魚刷喺凳腳度就得啦！
紙皮兩邊是十分好的磨爪位置 （我隻貓身體力行地告訴我的），這個紙皮盒環保包又實用，大細由自己話事，主人即使手工差都整到。
以後有棄置食物盒唔使丟啦！
今日就開始儲廁紙筒啦！