【奇聞】M巾與經痛藥 曾經咁樣sell
甩頭髮是男人之苦，女人呢？一定係經痛。每個月總有典床典蓆的時候，經痛藥此刻如同仙丹咁重要。而最貼身的女性恩物──衞生巾與棉條，買錯咗唔係平日用開的，痛苦過戴錯bra。依家啲經痛藥廣告不外乎都係講速效，衞生巾就以唔滲漏為重點。以前的廣告sell橋功力高好多，衞生巾可以跟自信掛鈎，依家睇返相當搞笑。
記者：葉青霞
資料來源：REFINERY
用了TAMPAX棉條，來經都可以玩戶外活動：騎馬、滑水、露營。短褲係白色、塊滑浪板係白色，連隻馬都係白色，嗯。但九唔搭八地無端端化妝係咩玩法？
經痛除了女人本身受苦，佢老公都好慘。呢個廣告係講佢老婆自從服食Femicin，終於變返佢娶嗰個女人。係呀，女人M痛起上來真係會癲的。
廣告上寫「未婚女都可用PURSETTES棉條」，顯然1950年代未婚女係代表處女，也顯然當年啲女仔係需要有人話佢哋知其實處女係可以用棉條的。