一場屬於香港人嘅雨傘運動，好多人從此政治醒覺，有份發起和平佔中運動嘅朱耀明牧師，仲因此獲德國福音基督教會科隆市基督教教區頒授Pfarrer-Georg-Fritze紀念獎，表揚佢一生努力爭取民主，尤其喺2014年發動佔中運動並支援參與學生，係首位華人攞到呢個榮譽。朱牧已經到咗科隆領獎，並發表演說，而佢領獎之時仲舉起黃傘，將香港嘅傘運精神發揚光大。
身在德國嘅佢話，頒獎禮簡單而隆重，引述科隆嘅教會好關心香港嘅民主運動，同時亦憂慮2017冇普選之下嘅香港，前景同出路係點。朱牧就希望所有民主同路人唔好灰心，一齊以愛與和平續爭普選。