上周三早上黃色暴雨，長沙灣有消防員由保母車孭學生澗水返學，相片在網上熱傳，引起好多爭議，唔少人指「港孩嬌生慣養」，質疑有人「濫用消防服務」，有份幫學生脫困嘅消防員，翌日喺facebook發表「千字文」解畫。
該消防員指事發地點水浸深逾半米，對小學生確有危險，故出手相救，冇人濫用消防服務，希望大家唔好責怪小學生：「他們下半身濕透仍要上學真係好慘，積水亦十分污穢……我哋幫助他們離開這段路，只是舉手之勞！」又強調只係小事一樁，易地而處，相信大家都會義不容辭出手。消防員最後留言，希望市民亦都鼓勵其他喺惡劣天氣下默默耕耘嘅人，亦希望大家不要再怪責這些小學生：「畢竟他們只是小學生而矣，放鬆一點吧香港人！」