賭王何鴻燊四房孻仔何猷君身在波士頓麻省理工（MIT）修讀金融碩士課程，日前家姐超盈在哈佛大學演講，他亦陪伴左右。原來他昨日回程返香港，出發到機場途中卻遇上交通意外，見他在Instagram貼圖報平安，相中的他右眼角明顯有傷口流血，幸傷勢未有大礙。猷君亦留言自己毀容破相：「好彩定唔好彩？我坐嘅uber趕緊去機場，佢哋前座掛咗嗰鈎，個頭撞埋佢，差1cm好有機會撞盲。」
記者昨日致電猷君慰問傷勢，他表示：「我諗冇乜嘢，可能趕緊去機場，架車開快咗少少，前面架車喺高速公路急停，我坐嗰架車炒到佢哋車尾，頭衝咗前面，佢前座後面掛咗啲袋畀人擺嘢，有個鈎，我個頭衝落去撞到佢個鈎，𠵱家止咗血，上到飛機，止咗血應該唔使縫針。」超盈十分緊張並在猷君的Ig以英文回覆：「你一下機，我會在醫院等你，這不是有趣的，是很嚴重的事。」
猷啟劈酒有理
此外，三房孻仔猷啟昨日在淺水灣出席運動嘉年華活動，提到他又被影到夜蒲，更跳上梳化跳舞劈酒，他表示：「因為有朋友就快返外國，所以一齊玩，去到要enjoy，冇理由坐。」對於有指胞姊超雲希望與陳山聰復合，對方更自編自導爆戀情刺激超雲，猷啟就代言：「我覺得已經過去，家姐冇需要太在意呢啲，初頭話佢想翻兜嘅報道出咗，佢覺得無奈。」
採訪：王連連
攝影：仇志德