皇家馬德里喺上周六場西甲，憑住賓施馬、艾斯高、加里夫巴利、占士洛迪古斯同埋基斯坦奴朗拿度（C朗）各建一功，作客以5:1大勝基達菲，繼續向榜首嘅巴塞隆拿施壓，其中喺呢場波入咗一球嘅C朗可以話係最威，因為原來唔計龍門，佢成為咗今季西甲嘅「通勤鐵人」，即係33場聯賽全部正選之餘，仲要係打足90分鐘嗰隻，真係少啲體能都唔掂！