香港眾志嘅關公災難真係浪接浪，除咗文宣製作錯字連篇、首映電影連電檢都未過關播唔到、兼且記者會有啲混亂，更爆出抄襲疑雲。話說有網民發現，香港眾志黨徽與西班牙巴塞隆拿舉行嘅「Barcelona Gallery Weekend」展覽嘅大會設計，竟然有九成九相似。究竟係咪抄襲？羅冠聰透過WhatsApp回覆八方，否認黨徽係抄襲，仲話：「大家亦可繼續留意我哋嘅文宣，從實際應用作自己嘅判斷。」
直角變圓角
睇番眾志嘅黨徽同展覽logo，兩者都係四方形入面加入三條線、貌似隧道出口，眾志黨徽唯一唔同嘅係，將部份直角變成圓角，但驟眼望落去冇乜分別。而眾志非首次被指抄襲，早前首映電影「眾志圍城」嘅海報，就被指抄襲《飢餓遊戲》電影海報。