【本報訊】滙控（005）行政總裁歐智華兩年內將會離任，有市場人士認為換人消息或有機會刺激股價向上。
歐智華2011年以高聲望「上位」，當時刺激滙控股價一度升穿90元，似擺脫2008年金融海嘯後陰霾。
監管環境不利發展
然而，滙控不敵全球大環境影響，自2011年2月18日收報91.75元後，股價一直拾級而下，直至上周五收報49.3元，自高位回落46.3%，令不少長情股東失望。
著名股評人胡孟青認為，滙控舵手「由邊個做都係一樣」，對集團股價幫助不大，事關全球宏觀、監管的大環境，根本不利國際銀行發展。「之前外媒已吹過風，明年係主席范智廉走，之後就到佢（歐智華）！美國政府有冇話過主席、CEO個位邊個坐落去，可以唔使罰或者罰少啲？」她形容：「咁嘅時勢，負利率、傳統生意冇肉食，compliance（合規部）嘅人隨時多過前線，銀行邊有得發圍！」
不過，中環資產投資行政總裁譚新強認為，今次滙控換人或可成短炒理由，「最緊要係個市點睇，同個人無關」。
他解釋近數月有不少資金透過「滬港通」買入滙控，反映投資者對港股改觀，看好後市。