猶記得喺1998世界盃決賽法國3:0挫巴西捧盃一役，巴西球星「大哨」突然失準，好多人都覺得好可疑，連《賭俠1999》都有呢一幕；而估唔到連當年法國捧盃功臣之一嘅中場比堤，日前都走出嚟話覺得98世界盃嘅戰果係受人操縱。呢名前阿仙奴中場上周五接受網媒訪問時話：「雖然我哋當時都盡全力比賽，但事後睇番，特別係睇過2014世盃巴西對克羅地亞一役，我真係要問當年法國係咪真係憑實力去捧盃呢？」