曾經喺2013年帶領廣州恒大首奪亞冠盃錦標，𠵱家效力緊另一支中超球會上海上港嘅阿根廷球員孔卡（圖），絕對係中超歷來最出色嘅外援球員之一。上港喺上周五中超主場以1:0小勝廣州富力，賽後有BBC記者問孔卡，有冇興趣歸化入中國籍，代表埋中國國家隊，唔知孔卡係當記者開玩笑定唔想正面回應，佢話：「如果真係被徵召入國足，首先我應該去執執個樣，整吓對眼睇吓可唔可以變到更似中國人。」