Kay秘密夢會Juno

謝安琪前晚跟林海峰合唱一曲《廣東歌》外，更有跟麥浚龍（Juno）合唱《羅生門》，Juno在台上說：「好多謝，亦都好開心。上年到今日都有機會可以同阿Kay合作，我自己覺得好感動。無論音樂定私底下都有好多嘢分享，上年都有好多得着，唔係只係獎項，而係搵到一個可以交心嘅朋友，呢個係好難得。」Kay聞言竟自爆說發夢見到Juno：「呢個係秘密嚟，不過見到你嘅時候，大家都冇做啲乜嘢嘅，都係好型咁企喺度啦！」

之後吳業坤與Kay合唱《因為愛情》，唱完後Kay跟坤哥抱抱時，忽然驚叫說：「我聽到我條裙『啪』一聲！你幫我睇吓背脊係咪穿咗個窿吖！」坤哥隨即表示聽到有聲，但就未見裙子穿窿。其後Kay囝囝張瞻在後台碰見坤哥時，竟問坤哥：「你係咪明星？」認真搞笑。