十年唔易過，謝安琪前晚在演唱會上宣佈暫別樂壇，展開人生另一個十年。而現年32歲，2004年參加香港小姐競選的梁麗瑩（Davily）亦在無綫花了11年青春，可惜星路平平，去年底黯然離開無綫，決定轉行與媽媽在尖沙嘴合資開設美容院，希望能創一番事業。
成權鬥犧牲品
梁麗瑩善演楚楚可憐的鄰家女角色，至2013年破格在劇集《神探高倫布》飾演殯儀化妝師，與蕭正楠發展一段情，當時被網友捧做「女神」，她亦感到意外。梁麗瑩前日在尖沙嘴受訪時說：「當時以為自己hit hit哋，唔知點解連續兩個星期成為Yahoo熱門搜尋，心諗自己都唔係好差喎，即使唔可以再上（位），都可以穩定咁做落去。」但無綫近年出現很多高層權力鬥爭，有傳樂易玲被削權，余詠珊的有線幫崛起，梁麗瑩漸覺已無立足之地：「試過幾次有監製同我講有個角色幾啱我，搵咗你嘞，但中間可能又有變動，因為有經理人話有位簽咗經理人合約嘅藝人（親生仔女）同我嘅類型差唔多，覺得可以用佢嚟代替，我明白公司制度，但係總係有啲失望同唔開心。」
加薪最多幾百
之後梁麗瑩雖有份演出的《守業者》、《天眼》等劇集，但角色越來越不起眼，約滿前公司雖有加薪挽留，但她亦不為所動，她笑笑口說：「錢？唔係太在乎，咁多年嚟最多同最少都係加三位數，都知道好多歌手或外援幫手拍劇都係只得車馬費，好多都係搵滿足感。」問梁麗瑩有沒有後悔花11年青春拍劇？她說：「冇！都要多謝公司畀咁多機會我。其實拍劇好開心，只係自己年紀大，做人要腳踏實地。」梁麗瑩對演戲仍有一團火，她說﹕「ViuTV係一個好有潛力嘅電視台，畢竟喺TVB都做咗11年，有機會都想同其他電視台合作。」
採訪：嵐山
攝影：沈健程
場地：Spera Beauty Company Ltd.