前學民成員黃之鋒等人搞香港眾志唔多順利，前晚之鋒又突然喺fb貼文（圖），話要向自己失言冒犯嘅人士道歉，究竟又發生乜事，搞到之鋒又「中箭」要道歉？
有社運中人同八方講，事緣早前之鋒喺fb講香港眾志公開籌款，有網民留言質疑當日本土民主前線參選唔使籌款，只係靠義工，點解香港眾志要？之鋒回應時話因為唔想私下搵金主，結果俾網民話佢抹黑其他團體，無端端搞出一場風波。
之鋒知自己失言後，即時道歉，話自己嘅留言無意冒犯任何人，未來必會謹慎行事，希望大家加以鞭策，至於公開籌款問題，之鋒解釋任何政團皆有其營運之道，路線或有不同，但望各非建制光譜人士可以求同存異，而佢哋會信守初衷，為香港二次前途問題繼續努力。