黃毓民前年喺立法會向特首梁振英掟玻璃杯，案件已定下周二開審，但毓民昨又去法庭提出申請押後，話搵到律師幫佢打永久終止聆訊，又要求控方呈交新資料。控方不滿，話毓民不停提出新申請，質疑佢係咪一開始唔打算依期開審？話咁樣會浪費法庭資源。
毓民話喎，自己2008年一樣喺立法會向前特首曾蔭權掟蕉，而呢幾年長毛、陳偉業等都試過喺議會掟嘢，但冇俾人告喎，認為控方選擇性檢控。不過裁判官最終都係唔畀押後，下令如期開審。毓民同八方講，話咁樣顯示成個審訊唔公平喎。
毓民下午返立法會，同工聯會黃國健就梁特濫權一事由會內嘈到會外，黃國健仲話毓民儍嘅，最後毓民無理佢就走咗！