余安安、趙式芝和楊如芯（Sean）、趙世曾、陳志雲前晚在尖沙嘴文化中心出席魔術騷《魔幻之旅》首映，余安安女兒李文琪年尾結婚，她笑說：「一早準備好晒啦！因為稍後時間做舞台劇，要開始排練至公演，前後都要花幾個月，所以就要早少少準備，驚遲啲冇時間搞，到時都要幫阿女搞啲化妝、扮靚嘅嘢。」
另外，Sean日前生日同性伴侶趙式芝為她安排了一個神秘哥爾夫球比賽，式芝說：「知佢年紀唔細，近年鍾意咗打golf，識咗一班golf友，於是就瞞住佢，同一班朋友安排咗一個比賽叫『Sean B Club』畀佢，係一個正式比賽。」Sean表示式芝還親手種菜給她做生日禮物：「其實佢未種，只係送咗啲種籽畀我，叫我自己種喎！但都係一啲我鍾意食嘅蔬菜。」
採訪：曹家誠
攝影：陳志嵐