何謂黑到盡？爬爬吓山由50尺高跌落嚟，然後第二個星期畀車撞，
再緊接驗出患癌，接連發生咁嘅事，一般人就算無死都會擔心到死，但Megan Sullivan並無驚青，佢反而停低咁諗：「咦？我咁都仲生存到喎又！」更激發佢反思更重要嘅事：「到底我自己一直以嚟係點生活？」諗諗吓，嘭一聲！諗通咗！佢諗通點解自己一直無辦法做到想做嘅事情，原因係因為無錢無時間呢啲你同我都可能啱啱先講完嘅藉口，所以佢決定由當下開始，為自己生活得更多。喺確診患癌後嘅短短兩星期內，佢計劃好要環遊世界七大奇蹟。跟住點？做囉，13日內，佢去咗12個國家，搭咗15次飛機，旅行咗足足28211里，係，佢成功咗，而且仲繼續佢生命旅程。
資料來源：BOREDPANDA
記者：黃力
