唔少球星都有個人名義慈善基金,協助世界上嘅貧苦大眾,但當中都有麻煩嘢發生,好似美斯就曾被爆借個人慈善基金搞義賽逃稅;而前車路士前鋒杜奧巴(圖),亦都有基金幫非洲兒童,早前就傳出上年有超過100萬鎊(約1,100萬港元)善款不翼而飛,只有14萬鎊去到災民度。杜奧巴接受英國《太陽報》訪問時就強烈否認,話自己都有幫手向各大企業籌到290萬鎊,而且一直有為受助人士提供醫療、睡床等福利,賬目絕對係乾淨同清楚。