免費電視ViuTV自家製作MMA真人騷《G-1格鬥會》，今晚會上演鄧洢玲（阿旦）VS劉燕妮（Rika），據知賽果是阿旦會落敗跌入復活戰，可是她去年底備戰和賽事期間，撞正爸爸癌病入院及過身，她以家事理由中途退出。
阿旦表示這次參賽看到人性險惡，她昨日在電話中說：「有啲對手好狼死，有啲人求勝心切。我最初只係諗到大家都係女仔，唔使打得咁激，唔想有人受傷，只係諗住用技術壓倒對手，點知就中伏。」問阿旦對手中覺得誰最狼死？她答：「Van仔（鄧穎芝）同Winkie（黎美言），可能佢哋渾身是勁，跳開舞，本身氣力較大。」阿旦承認參賽時狀態未夠好，她遺憾未能作戰到底。
採訪：楊定