【旅遊籽】尼加拉瓜定尼亞加拉大瀑布?媽呀!我好亂呀!

【旅遊籽】尼加拉瓜定尼亞加拉大瀑布?媽呀!我好亂呀!

早兩日,《100毛》在面書搞錯尼加拉瓜同尼亞加拉,著名編劇陳詠燊出post糾正怕「積非成是」,引起網民熱議。熱議內容就唔詳述喇,但其實座落於北美洲五大湖區嘅嗰條大瀑布,究竟叫乜名?平時口快快,都會唔小心叫咗做尼加拉瓜大瀑布,甚至乎會「黐脷根」講錯做尼加拉加,但原來人哋個真名叫做尼亞加拉大瀑布(Niagara Falls),咁究竟平日叫錯咗嘅尼加拉瓜喺邊度嚟?

尼加拉瓜(Nicaragua)係中美洲嘅一個國家,嗰度大瀑布就冇喇,火山就有一座,住咗600萬人口,約120個香港咁大。之所以會叫做尼加拉瓜,係因為早年嘅西班牙殖民者叫做 Nicarao,所以就因此得名,前半係人名,而名字Nicaragua嘅後半,喺西班牙文入面解作水(agua),前後兩部分加起上來,就是尼加拉瓜的全名。補充多少少資料,尼加拉瓜同尼亞加拉大瀑布其實一啲都唔近,3,500公里嘅距離等於由香港飛往台灣五次之多,所以大家以後唔好再混淆喇!

記者:盧懿靜

喺中美洲嘅尼加拉瓜(Nicaragua),嗰度大瀑布就無喇,火山就有一座。

佢嘅真名係尼亞加拉大瀑布(Niagara Falls),唔係尼加拉瓜,亦唔係尼加拉加。