又係佔中惹的禍？有「國師」之稱嘅陳雲（圖）除咗係《香港城邦論》嘅作者，仲係嶺南大學中文系助理教授。不過國師就喺個人facebook宣佈，話接獲嶺大通知今年8月約滿後不獲續約，被迫結束嶺大7年教學生涯。
國師失去嶺大教席，佢質疑係「港共報復我在2014年聲援佔領旺角的行動」，令他成為「佔領行動之後的第一個學界受害人。」國師仲話令文人失去生計、被迫離開原居地係共產政權最常用的打擊方法。嶺大回覆八方時就話，個別教職員嘅僱傭事宜，涉及有關教職員私隱，校方不便評論，僅稱嶺大有既定人事機制處理教學人員聘任、考勤、續任、升遷等。