治療心臟病嘅米曲蘖（Meldonium）喺今年一月一號起成為禁藥，但世界反禁藥組織（WADA）周三表示，由於好難證實藥檢肥佬嘅運動員，係喺一月一號前定後食藥，所以喺三月一號前被驗到對米曲蘖呈陽性反應嘅運動員，可能唔使被罰停賽。換言之，上月初自爆喺年頭澳網賽被驗到食過米曲蘖嘅俄羅斯靚女球手舒拉寶娃，最終可能冇事，仲可以出戰今夏里約熱內盧奧運㖭。