上屆F1總冠軍、英國「黑帝」咸姆頓喺今屆F1頭兩站只係攞到一亞一季，當然想喺下周日中國站開齋，但睇嚟機會唔大，皆因呢位平治車手，喺上站撞完車後轉咗波箱，結果喺周四被罰喺中國站要排後五格起步。周三同班車手聚餐嘅黑帝仲係好樂觀：「周末好難玩，但我好有能量同信心克服困難。」另外，喺澳洲站炒車嘅麥拿侖車手艾朗素可以復出玩中國站。