龔慈恩昨日到太子出席美顏養生產品發佈會，提到女兒林愷鈴，她笑說：「我覺得佢越大越似我，𠵱家努力keep fit，希望喺暑假可以兩母女齊齊着泳衣，不過唔係為工作，只係想陪阿女一齊玩水上活動。」問到囡囡是否很貪靚？龔慈恩說：「阿女唔大興趣扮靚，反而覺得我煩、騷擾佢，例如佢生暗瘡我作為媽咪會好緊張，但佢就會用頭髮遮住額頭，我就唔主張咁樣。」她又透露女兒近日入圍一個英文寫詩比賽，希望女兒努力參與。
龔慈恩月尾將赴大馬拍攝鬼片，她說：「多年前拍過殭屍片，瞓唔着兼撞到其他嘢，好耐都冇再拍呢類戲，恐怖嗰啲直情唔會睇。」
採訪、攝影：卓寶花