看《跟住矛盾去旅行》長毛同主席去波蘭做義工，探訪低收入家庭，了估解他們生活的無奈與寂寞，或許睇緊電視的香港人可能會諗：「佢哋間屋都幾大喎。」其實在波蘭首都華沙，有座全世界最窄的屋Keret House，它就攝在兩座建築物之間，即是原來的走廊位。它在2012年由建築師Jakub Szczesny建成，假假地都係複式建築，一層係浴室、Pantry加客廳，一層係工作室加睡房，有兩隻唔開得嘅窗，透明天花板能採天然光，電力由隔籬大廈提供。兩層樓分別五及六平方米大，加埋都有11平方米，不過根據波蘭法律，就係因為佢太細唔可以做住宅，所以落成至今都是一件藝術裝置。只有不定期開放日或由授權人挑選過的藝術家，才可以特別在裏面住一陣、發吓呆、啟發靈感，係非常特別的存在。查實百幾呎的空間藝術，我哋香港周地都係啦，仲有真入居住表演，大驚小怪！
記者：陳慧敏
資料來源：KeretHouse網站
