【本報訊】稱與同袍合力在龍和道將曾健超制服的高級督察屈展焯，昨日在庭上被問及案發當晚身處何方時，竟然指「我應該喺添馬公園……」主任裁判官羅德泉（圖）聞言立即打斷問：「我唔知你嘅『應該』係咪口頭禪？」質疑高級督察屈展焯口中的「應該」，到底是指已經確認還是只是推算出來的答案，並提醒他用詞應準確。
屈展焯其後以肯定的語氣指「係確認」，惟他話口未完，又稱「現場應該有兩名軍裝機動部隊同事……」裁判官聞言後又再打斷，指「你係咪又用『應該』？」
此外，警署警長鄭浩漳在盤問下透露與曾健超糾纏期間，遭對方揈跌撞向花槽，其後要「回一回魂」，但否認影響觀察。
裁判官聞言又問「咁你回魂係咩意思？」鄭浩漳承認自己表達不清，解釋「即係定一定神，冇暈到嘅」。裁判官遂略帶勞氣吩咐：「你唔好再用咁多術語，因為唔同人有唔同見解。」
■記者楊思雅