美國有間賣漢堡嘅快餐店Carl's Jr.好鍾意搵索女星、女模拍性感廣告，往往睇到人熱辣辣。而美國有位性感巨胸模特兒Abigail Ratchford，想搏出位，搵咗間製作公司有樣學樣拍咗段短片，不過就唔係幫Carl's Jr.賣廣告，而係幫另一家著名快餐店In-N-Out宣傳。Abigail喺短片中着住比堅尼食In-N-Out薯條、飲奶昔，不過奶昔就滴晒落個胸度，佢仲伸晒脷咁，又用手捽個胸然後啜手指，令人有無限嘅幻想。
雖然有人幫佢免費宣傳，不過據美國娛樂網站TMZ報道，In-N-Out嘅律師向製作公司發律師信，要求佢哋將片段刪除，原因係怕混淆視聽，怕顧客以為In-N-Out嘅老闆同Abigail有乜私人關係。仲話如果唔刪除影片，就會告上法庭。