喺屋企樓下，遇到有個穿戴闊太look的女士同管理員在高談闊論：「今時今日，香港到底有幾人可以好似我咁又食得又瞓得……」
此番話讓我曾鈺成上身，頓時諗到：burn the midnight oil的意思。直譯係「燃燒夜半燈油」？！半夜點燈，即冇覺好瞓。其引伸意思係甚麼事情會令你「瞓唔安、食唔落」呢？如果問我或同行這個問題，大家會點反應？
戶外媒體廣告供應商：不再堅持，我們終於寧願減價促銷，好過讓紅隧口的廣告牌繼續丟吉落去。十萬蚊就有偈傾。有成交，有覺瞓。
豪華汽車品牌：做更多的全線減價。個個送乜送乜已無出路，倒不如一減再減就十萬八萬！歷史低價，一「落」千金，問你死未？
Elon Musk（真人版Iron Man）：When something is important enough, you do it even the odds are not in your favor （當一件事情足夠重要時，即使贏利未能達到預期，你仍願意堅持不懈做下去）。未來車及太空科技，正好令我興奮過度，夜夜失眠。
忌廉哥：貓奴有佢哋把握時間在便利店結業前合照一番，老闆瞓唔着，我有我在報紙旁高床軟枕，面對這殘酷的「商業決定」，只能慨嘆世事無常，事與願違，奉勸大家珍惜眼前人。
ViuTV：台號99，如何持久？美女格鬥、矛盾去旅行、齊齊煲卡通、煲日韓劇、成就今日夢想SE7EN，同TVB鬥「殭」，半夜扎醒都分唔清到底邊個薑啲。
地產發展商：賣樓並非單純賣樓，要賣art又賣氣勢磅礴，鯨吞天下。面對樓市持續下滑，不眠不休也難以發圍，只好亦步亦趨，乖乖地等待下一個黎明。
老麥：做快餐唔再係快餐咁做，不斷求新、求變，繼續型男主廚，用味道surprise你！橋可以度，menu可以改，何以持續維繫？失眠頭痛之極！
可口可樂：全球共融，所有可樂品牌走在一起，紅樂、黑樂、健怡可樂，一次過「taste the feeling」，由functional到emotional benefits。說穿了，繼續budget cut，唔夠錢就要講效率。
世界分秒在變，覺係要瞓，大家倒不如好好休息，瞓醒再戰。
文廸晞
mailto:[email protected]