近月接連發生學生自殺事件，曾身陷情緒谷底的曲棍球港隊銅牌選手的催眠治療師Majid感同身受。他自少熱愛曲棍球，可惜中學時比賽中受重創無奈退役，赴澳洲升學又追不上而綴學。意志消沉幸得父親激勵，重歸港隊09年出戰東亞運動會奪得銅牌，鬥志燃起，赴美苦讀考獲臨床催眠治療師執照向父親致敬。今天，他無償為受情緒困擾的學生家庭輔導，不想再有學童輕生。
記者：蔡朗清
30歲的Majid（簡銘志）年紀輕輕，前半生已經歷大起大落；生長於小康之家的Majid，父親是巴基斯坦裔，「可能身上流着巴基斯坦嘅血，對國技曲棍球，自細就好鍾意玩，入埋港隊青年軍，擔任後衞。」但一次比賽中發生意外，「左手食指骨被對方打斷咗8塊，雖然一隻手指啫，但估唔到做咗好多次手術，呢次挫折，成個人好灰，唔敢再拎起球棍。」
被迫退出港隊，Majid自言當時陷入人生谷底，讀書又不成，「嗰陣讀書真係好渣，repeat（重讀）中五，因為自己鍾意動物，飛咗澳洲讀獸醫，讀咗半年都係讀唔上，唯有返香港，未幾去咗上海大學時裝設計，08年畢業返嚟香港。」
Majid說，那幾年渾渾噩噩缺乏方向，從事成衣標籤工作，月薪1萬，「日日整標籤，做到好悶，好唔想過呢啲生活；考咗4次警察又考唔到，成個人無晒方向。」
從事輔導工作的爸爸看在眼，某天，一次鼓勵的說話，擊中Majid要害，解開了兒子源自被迫放棄曲棍球的心結，「爸爸同我講，話我咁鍾意打曲棍球，點解因為一次受傷放棄；佢又話我唔敢打後衞，可以打其他位置，例如打龍門，都會有好發展。」
父親的話如當頭棒喝，Majid鼓起勇氣復出，轉打龍門才發覺如魚得水，並入選曲棍球香港代表隊，於2009年香港首次主辦東亞運動會中出賽，打入四強，最後更擊敗中國國家隊奪取銅牌，「4年無掂曲棍球，無想過會打返，仲攞埋銅牌，仲係港隊歷年最好成績。」
因父親恢復自信心的Majid，決定從事情緒輔導工作，更修讀催眠治療課程，幾經努力，最後在美國考獲臨床催眠治療師資格及回港執業，最近設立心理諮詢及催眠治療培訓中心Mark5，「雖然有朋友覺得我咁年輕，未必夠閱歷去開導人，我就係個人辦畀你睇，我咁渣都得，仲邊度有人唔得？」
Majid執業後，情緒受困需尋求幫助由學生至成人也有，近年明顯多了中學生，「其實學生遇到嘅情緒困擾比成人簡單好多，主要係學業，或者被同學欺凌等。」他說，學業受困主要是怪獸家長迫成，也有學生對自己要求太高，「我遇過企圖在學校自殺嘅個案，我以過來人的身份嚟開解佢，對方比較易接受。」
他續稱，療程亦包括催眠治療，「處理一啲好沉重嘅心情，需要利用催眠去釋放抑壓住嘅情緒，一次催眠治療需時約45分鐘；有啲個案，仲要搵埋家長一齊傾，先解決得到。」Majid即場示範放鬆心情緒催眠，從調暗燈光，讓對方舒適躺在椅上，再以輕柔語調引導對方進入放鬆狀態。
Majid強調，自己曾受情緒困擾，幸得父母鼓勵，納回正軌，眼見近日不斷有學童輕生消息，願無償替一些家境清貧、情緒受困的學童及家庭進行治療，「我以前都試過覺得世界好灰，無晒希望，好在得爸爸幫助；我都想畀啲正能量啲學生，度過困境」。有需要學生或家長，可電郵mailto:[email protected]查詢。