睇韓劇好像永遠是女人的尊屬趣味，但其實撇開世俗的枷鎖，男人睇韓劇都可以睇得好科學好有見地，馮睎乾的文章〈八個角度看《太陽的後裔》〉就清楚介紹咗男人如何睇《太陽的後裔》而不失霸氣，女士們想叫另一半陪你睇，一樣可以用返呢八招𠱁佢哋乖乖坐低。
1. 睇靚女：大方畀你睇，有女一宋慧喬同女二金智媛助陣，仲不時有喬妹長腳，冇理由走寶。
2. 學得手大法：突破第8集先有得錫定律，雙宋第4集就咀嘴了，男友們可以偷下師了。
3. 睇靚景：冇錢去旅行，睇咗當去咗，錢都幫你慳埋。
4. 表現個人歷史知識：認真分析烏魯克（Uruk）同707大隊的真偽，可以表現自己知識型的一面。
5. 睇錢睇卡士：男人如黃百鳴最愛睇大卡士大製作，「我睇過一集為540萬元的製作」，講畀frd子聽一定夠晒霸氣。
6. 拋政治書包：「把國民生命和安全放在首位的，才是國家。」到底來到香港適唔適用呢？男友們可以用個人政治智慧跟女友討論。
7. 學金句對答：其實港女都好貼地的，學暮煙那樣問：「你愛我還是愛國？」好易答啫吓嘛男朋友？
8. 睇溝女招增加互動：隨手拍走女方手機，然後趁着扮有型45度彎身接它的瞬間挨身挨勢呢個招牌動作，邀請男友用塊百潔布來試玩，應該幾趣。
資料來源：八個角度看《太陽的後裔》－馮睎乾‧夢邊緣
重溫文章： http://bit.ly/1Q4rhaW
記者：容慧心