何佩瑜：唔想劉大尉死呀，佢嘅角色有情有義，好想佢同姜醫生可以一齊。每次姜醫生身陷險境，總有劉大尉出現，幫佢化險為夷，我都睇到眼濕濕，結局希望佢哋都可以重逢。
葉璇：私心唔想劉大尉死，但一套作品想經典，男主角死會令架構更加完整，呢套劇好有偶像劇質感，達到頂端。劇本、題材、燈光、造型同架構各方面，喺亞洲電視劇嚟講好新穎，配埋營運方式，網站愛奇藝帶入畀內地觀眾，真係好大突破。
譚小環：《太陽》令我上晒癮，雖然追app睇晒，但ViuTV配音版有得播，我再回味，劉大尉同姜醫生呢一對好襯，劉大尉喺劇中係hero，我相信佢係打不死，如果結局要佢死就好遺憾，呢啲劇最好大團圓。我希望《太陽》開續集，女主角可以考慮我呀。