俄羅斯靚女網球手舒拉寶娃喺上月初開記者會，自爆喺今年澳洲公開賽藥檢「肥佬」，𠵱家被罰停賽，復出遙遙無期。雖然係咁，俄羅斯網球聯會仍希望舒娃可以玩到今夏里奧。佢哋嘅會長達比舒切夫話：「我哋好希望舒拉寶娃可以獲准參加奧運。」國際網球聯會仲未就舒娃單禁藥案展開聆訊，如果可以盡快搞掂又輕判，曾經喺2012年倫奧攞到銀牌嘅舒娃可能仲有少少機會玩里奧，否則就唔使諗嘞。