【石屎藏屍案】
【本報訊】荃灣工廈石屎藏屍案中死者張萬里疑因捲入一宗追債事件而被殺,原來,他在遇害前剛與拍拖6年的女友去台灣拍攝結婚照,準備今年內結婚。早前,他更在港島區看中了一個「上車盤」單位,並付了大訂,準備做婚後的新房。張的未婚妻事後異常悲慟,親友紛紛鼓勵她放下哀傷,堅強生活下去。
自稱炒股日日袋30萬
據張萬里的朋友向《蘋果》稱,他生前有個花名,叫做「波士」,因他常常向同事、朋友吹噓自己炒股大賺「日日穩袋30萬」。他說,認識張萬里多年,雙方常常飯局聚會見面,因而亦與張的女友認識,但不算相熟。他指,張萬里的女友姓郭(26歲),二人拍拖6年感情穩定,年前已開始籌備結婚,今年初,二人曾去台灣旅行及順道拍攝結婚照。
他指,張與父母和女友同住,為了婚後搬離父母家,所以着急買樓,早前張表示已經買樓「佢哋啱啱買咗樓,好似喺港島區,話層樓三、四百萬,連大訂都落咗。佢好錫女朋友,話層樓要寫女友個名」。
據了解,2014年張萬里任職電訊公司客戶服務部,月入約16,000元,他常趁工作空檔炒股票,自稱常常有斬獲大賺,當時張萬里經常邀約朋友吃飯聚會,出手闊綽。「試過食飯時攞支酒出嚟飲,話要幾千蚊一支,連平日感冒睇醫生,都要去養和」。
早年曾經與疑兇講數
去年底張萬里轉職房屋署合約員工,但工作僅僅半個月便辭職,之後聲稱轉行做投資。張萬里的另一名朋友稱,張萬里於3月4日遇害,其實翌日他要見兩份工,結果失約,女友對他離奇失蹤十分愕然而報警。可是警方一度以她口供有可疑加以拘捕,其後才准保釋。該友人稱最擔心郭女情緒受刺激,希望她可以堅強撐下去,他說現時一班朋友最擔心郭女處境,因為未婚夫死於非命,她一人面對善後,他希望警方查明真相,還原事件真相。他補充,若張萬里家屬辦理後事,他亦希望到靈堂致祭,送別友人,希望他可安息。
對張向外聲稱畢業於美國麻省理工學院,友人稱「聽都未聽過」,「佢話自己喺外國生活過幾年,浸過鹹水,其實佢喺澳洲紐西蘭讀過書。但成績唔好,連degree都攞唔到,佢話將來再讀書,想攞番個學位」。
據悉,張萬里是在電訊公司任職時,認識案中姓曾疑犯,但他們的朋友不認識姓曾男友,但曾見過他們在一起,當時,他們似乎在討論金錢事情,張埋首「篤」計數機,沒料到事隔兩年,張竟遇不測,而曾更是疑兇而被捕。
■記者關英傑