【拆 局】
樓價調整周期下，豪宅新盤之間的銷情可謂差天共地，例如西半山年內先後推出的三個一手項目，太古地產（1972）殷然昨沽清首批40伙，但豐泰地產干德道敦皓至今僅沽約八伙。
業界人士分析，差異主要源自品牌效應、同區供應及樓盤定價。
優質盤料「跌極有個譜」
殷然屬於太古地產近年於區內第四個項目，業界人士指今次殷然的涉資額較珒然、蔚然及瀚然細，而且呎價亦有一定折讓，「情況就好似LV、Gucci呢啲名牌大減價咁，一般市民見佢減咗價都係貴。咁有錢人識貨，見到個價係抵嘅，咁自然會出嚟買」。
而且目前入市的買家均具備相當實力，方會嘗試火中取栗，其心態是希望購置最優質的物業，地段位置、品牌裝潢均會選擇最佳，加上西半山屬於傳統豪宅區，未來住宅供應量有限，買家相信「跌極都有個譜」，亦是吸引投資者入市的原因之一。現場所見，縱使千萬富豪買樓都要親身落售樓處排隊。
記者所見並非有錢人就一定由頭到腳都成身名牌，其實好多準買家都只着一件有領衫加條牛仔褲，就算女士們拿住嘅手袋，都多數係LV同Gucci嘅classic款咁，而唔係seasonal或者special edition。反映出富豪隱藏城市，「鳳凰無寶不落」，靜市反而shopping，慢慢揀。