【打擊無效】
一周一行實行一周年，措施似乎未能打擊上水水貨客的問題。記者上周六前往上水視察，在藥房採購戰利品的顧客雖然較高𥧌期減少，但其實仍然塞爆每間藥房。
黃先生在新康街經營零食雜貨店30年，他形容該區的水貨客仍然充斥在大街上，「你睇到條街仲有幾多人啦，少咗啲水貨客但一樣咁多人買嘢，全部都係藥房。如果你唔係做大陸人生意，根本就頂唔住。過去幾年，獨自經營嘅小店由十幾間，變到得番兩間」。
黃生舖位是自置物業，因此不用捱貴租，但他專做港人生意，收入不算太高，「其實如果我執咗唔做，拎間舖收租賺得仲多，但我唔想咁樣，過去幾年都好多人想買我間舖，但我堅持唔賣，唔想賣奶粉同藥」。他透露店舖生意額過去一年跌約三成，但只要不蝕錢仍會繼續做。
旅客減少令核心區租金下跌，但上水因鄰近深圳成為水貨客大本營，租金不跌反升。記者觀察及統計，發現藥房及韓國化妝品店數目最多，一條街10個舖位有8間是藥房、1間是化妝品店，例如上水廣場對面的龍琛路64至66號地下A舖連閣樓共2,060方呎舖位，由診所變成藥妝店，租金由去底的5.5萬元勁升至13.5萬元，升幅高達1.45倍。
生果舖：上水人唔行入嚟
另外，「藥房街」新康街數月內亦有3間舖變身藥坊及化妝品店，其中69至75號及37號舖的新租客為藥房，前者的租金升幅三成三，月租16萬元；至於41號舖位亦由outlet化身為韓國化妝品店，租金升幅超過八成，月租12.8萬元。
北區水貨客關注組召集人梁金成表示，近期香港有不少藥房執笠只是假象，「因為執嘅只係旺角區同銅鑼灣呢啲地區，上水今個月仲多咗兩間新藥房」。水貨客除炒貴租金外，亦抬高了區內物價。經營生果店的關先生指出，由於生果不能帶入內地，因此生果店基本上只做香港人生意，但奈何附近太多水貨客，「上水人根本就唔想行入嚟買嘢」。
■記者陳新政、程俊華