【本報訊】一周一行實施一周年，水貨集團走私活動依然猖獗，《蘋果》記者連續兩天在上水、羅湖及落馬洲直擊水貨走私情況，發現幾乎近九成水客集中經落馬洲帶貨衝關，而且水貨集團成員亦有大變化，由以往
在落馬洲連接福田口岸的通道上，每日下午5時，有近千名拖篋水客蓄勢待發，「一陣5點就一齊衝啦！」每當有人發施號令：「過啦，過啦，唔好理佢，衝啦！」大批水客即從通道湧入福田口岸的入境大堂，經電子通道過關，場面墟冚，人人爭先恐後，負責抽查水客的海關人員根本應接不暇。
5點鐘趁關員換班湧過關
記者混在水客人群中，有水客邊衝關邊教路：「多數係5點換班，得一個藍精靈（海關）把守，一齊衝佢睇唔掂，至多咪俾佢捉幾個。」記者隨人潮過關時，果然只見一名海關人員站在通道中間，水客根本不理會指示橫衝直撞闖關。
有水客透露，他們有人在福田口岸暗中觀察海關運作，發現換班或調配人手時出現「空洞」，就會向他們發訊息。不過未必日日如此順利，「有時要等到（晚上）10點幾，差唔多閂關時先有得衝」。至於為何不衝羅湖關，水客表示：「羅湖好嚴，無論幾多人，只要有行李，佢都要你過（X光）機，邊個敢衝就捉去緝私科。」
衝關水客有增無減，記者到上水一帶採訪，發現沿火車站經新運路往晉科及劍橋廣場仍然是重災區，沿途盡是拖篋水客。「我老公係香港人，明年先可以攞單程證，𠵱家用探親證，一日行一轉賺300蚊人仔」，48歲來自汕尾的阿麗指，3年多前嫁給港人後，一直在深圳布吉生活，去年一周一行實施後，持雙程證的她經同鄉安排來港走奶粉和日用品，「我唔敢走得多，捉到分分鐘罰你兩年內唔准嚟香港。我走貨都有底線，毒品、槍同害人嘅嘢唔會帶」。
另一名來自海豐的林小姐透露，她父母是香港人，但她不想申請來港，一直持雙程證來往深港兩地。「申請嚟香港做乜？香港人每日返工10幾個鐘，都唔知做人為乜」。至於變身水客，她解釋只是閒來無事，幫幫同鄉帶奶粉順道到港閒逛而已，「如果唔係同鄉叫嚟幫手，我先唔會走水貨，身水身汗咁辛苦，不如留喺屋企瞓覺」。
在上水劍橋廣場開檔的貨主稱，一周一行實施後，深圳居民由走私主力變兼職，反而持雙程證的則轉為生力軍，「現時中港水客比例約為六四，一周一行仲好，入境處同海關都少咗查啦，免咗好多麻煩」。他表示，深圳居民現時改為周末周日取貨，由於一星期只走一次，為賺到盡都走高價電子產品為主。
