香港到底係咪一個宜居地？睇見香港嘅「第一家庭」嘅表現，相信大家心中有數。向來「嚴厲監督」梁振英嘅自由黨榮譽主席田北俊，點會唔係同市民企喺同一陣線？但估唔到佢連banner被塗污，都可以抽到水，呢份毅力同堅持，認真可嘉！
田少喺facebook貼咗張banner被噴漆相（圖），相中可見佢雙眼遭「抹黑」，而佢就留言話喎：「咦，塗鴉我張橫額嘅人咁知我心事嘅？係呀，我見香港搞成咁，真係冇眼睇」。其實相中田少banner旁嘅資訊科技界立法會議員莫乃光嘅banner，雙眼都被噴漆弄黑，抽水王田少連呢點都唔放過，加tag「#乜隔籬都冇眼睇呀？#莫乃光」。而遭抹黑banner喺英皇道，有傳田少由新東轉戰港島，喺呢區掛banner亦好正常。