講到USB插位，以現在智能產品的泛濫程度，只可講句多多都唔夠！
最近腦場新返了一款LDNIO 3 POWER SOCKET 3USB SC3301，此機使用三插蘇頭拖板式設計，另再加三組USB插口，總輸出達3.1A，從字面上看，規格唔算高，隨時兩部高效能的手機，都已經佔用了3.1A的總輸出量，不過如果以價錢來看，新機落地價為$78，這個價位在鴨寮街都只能買個三插蘇頭拖板，簡單講三個USB頭可以說是免費送似的。
更重要是其設計相當靚仔，黑、白包邊配藍色保護內蓋，其實已經相當有型，再加上USB位還會發出微微的白光，方便大家在黑夜裏找USB插位。拖板電線總長度為1.6米，而且拖板邊位做成內斜邊設計，可以圍着拖板機身，可惜冇做埋夾線位，要用粗身橡膠圈固定，令型仔度大幅降低。
查詢：Bidlike（深水埗福華街175號福仁商場1樓17號舖）
記者、攝影：朱崇德
