每年一講到「打工皇帝」，肯肯定又係「超人」李嘉誠頭馬霍建寧。老實講，64歲嘅霍大班年袋一、兩億元已經唔係新聞，只係加多加少嘅問題。長和（001）最新年報顯示，霍大班舊年又加人工，叫做比較特別嘅，係佢淨係花紅已經袋走2億元。
霍大班舊年總年薪2.1億元，增加7.2%，其中，花紅佔2億元，較對上一年增加一成。
咁都啱數嘅，長和系舊年完成重組，公司之後嘅大刁一單接一單，先後收購英國電訊商O2、意大利電訊商wind，應該都係超人論功行賞喇。
霍大班由1984年加入長和系以來，累計年薪袋走至少27億元，對於一般打工仔，當然係天文數字，而霍家大宅仲有「港版凡爾賽宮」之稱㖭呀。