27歲的靚仔本地騎師梁家俊宣佈一件開心事，就是他已擇好日子，將於本年7月12日，即本港馬季唞暑後兩日，與其靚靚馬評家女友、32歲的阿Kit李潔瑩正式結婚。
家俊仔表示，由於現時仍未過大禮，所以暫未向親友派發請帖。他透露結婚後今個暑假將前往英國策騎進一步學藝，然後再與太太渡蜜月，至於蜜月地點仍未決定。
梁家俊事業發展得不錯，2009年曾策「創惑」勝出三級賽精英碗，2010年贏過亞洲見習騎師挑戰賽總冠軍，今季暫獲20場頭馬成績理想，包括夥拍「火紅人」贏得三級賽一月盃，去年12月他亦首次參加國際騎師錦標賽。
至於阿Kit在2004年參加馬壇廣播新人王比賽入行，之後曾轉任空姐，約七八年前重返馬圈，投入評馬人工作，近年越來越受歡迎，上月底她在家中低胸性感facebook直播，講愛犬樂樂，錄得8.5萬瀏覽次數，惹來不少話題。而家俊仔幾年前已經做咗業主，買入沙田帝堡城細單位，去年換樓購置馬鞍山樓盤「迎海」一個實用面積800幾尺單位，單係首期已要500萬，應是與阿Kit嘅愛巢。