【記者直擊】
一周一行滿一年，記者往上水晉科及劍橋廣場的貨倉，查看甚麼是水貨客近期熱門貨，結果發現依然以嬰兒奶粉、紙尿片、嬰兒藥品，洗沐用品為主，其餘包括衞生巾、牙膏、牙刷、辣椒油、箒喱、咖啡豆等，連人字拖鞋都有。海鮮亦是近期熱門貨，上周當局打擊走私龍蝦，本周水客走得最多的是象拔蚌，有水客說：「帶一隻10蚊，一次可以帶30隻，加上兩罐奶粉，行一轉就收330蚊啦！」
「衰咗都唔使負責」
持雙程證來港做水客的阿麗，早前還主力帶奶粉，但近期見龍蝦、象拔蚌盛行亦跟風，「象拔蚌如果被查到，一定係沒收啦，但唔使罰又唔使賠，貨主食晒，好過帶其他貨」。她稱因丈夫收入不多，只好走水貨幫補家計，走水貨一年的她已掌握行情：「帶益力多好易過關，但太重而且帶工得100蚊一板，頂多推三板；電子產品價高，但捉到會入黑名單，而且罰得重，分分鐘交畀緝私科查辦，賺到都唔夠買驚風散；日常用品洗頭水、尿片、食品大件又重，係辛苦錢。最好就係呢啲龍蝦、鮑魚、象拔蚌，因為衰咗都唔使自己負責。」
水貨集團貨主透露，由於內地人對進口食品需求甚殷，牛扒、澳洲大龍蝦及象拔蚌等貴價貨近年成為「走私三寶」，而從香港走上內地的象拔蚌多來自加拿大，本港市價約320元一斤，但到深圳就可賣350人民幣（約420港元）一斤，水客每批貨走私多達200斤，利潤不俗。
■記者張軍